មេចុងភៅ ម៉ារីយ៉ា អ៊ុន​ នួន៖ ស្ត្រីនាំមុខគេក្នុងការចម្អិនអាហារវិចិត្រ

ក្នុងអាជីពរបស់គាត់ជាមេចុងភៅម៉ារីយ៉ាបានបង្កើនចំណេះជំនាញរបស់គាត់ ដោយទទួលការណែនាំរបស់មេចុងភៅល្បីៗដូចជា គឺ លោក អេនដ្រៀ ខាមិនណាដា​ Andreas Caminada​ និង លោក ហ្រ្វេគ ហ្គីអូវាននីនី Franck Giovannini។ ចំណង់ចំណូលចិត្តរបស់គាត់ក្នុងការលើកយករសជាតិប្រពៃណីខ្មែរជាមួយនឹងបច្ចេកទេសសហសម័យបានធ្វើឱ្យគាត់ទទួលបានកេរ្តិ៍ឈ្មោះជាមេចុងភៅដែលមានទេពកោសល្យបំផុតនៅអាស៊ី។

ដំណើររបស់មេចុងភៅ ម៉ារីយ៉ា បានចាប់ផ្តើមនៅស្រុកកំណើតរបស់គាត់ដែលគាត់បានសិក្សាយល់ដឹងយ៉ាងជ្រាលជ្រៅចំពោះរសជាតិដ៏សម្បូរបែប ដែលជាអត្តសញ្ញាណមុខម្ហូបខ្មែរ។ ដោយបានស្រូបយកគំនិតពីអ្នកជុំវិញខ្លួន គាត់បានចាប់ផ្តើមដំណើរផ្សងព្រេងធ្វើម្ហូបដែលនឹងនាំគាត់ទៅប្រទេសស្វីស ជាកន្លែងដែលគាត់បានបង្កើនជំនាញរបស់គាត់នៅក្នុងផ្ទះបាយដ៏មានកិត្យានុភាពបំផុតមួយក្នុងពិភពលោក។

សព្វថ្ងៃ ស្នាដៃបង្កើតរបស់ចុងភៅ ម៉ារីយ៉ា គឺជាសក្ខីភាពបញ្ជាក់ពីការប្ដេជ្ញាចិត្តរបស់គាត់ចំពោះភាពល្អឥតខ្ចោះ ដោយបង្ហាញពីរសជាតិចម្រុះ និងរស់រវើករបស់ប្រទេសកម្ពុជានៅក្នុងពន្លឺសហសម័យ។ មុខម្ហូបពិសេសរបស់គាត់គឺ ម្ហូបជាតិខ្មែរ អាម៉ុក គឺជាស្នាដៃដ៏ពិតប្រាកដមួយ ដែលលាយបញ្ចូលគ្នានូវរសជាតិដ៏ឈ្ងុយឆ្ងាញ់នៃខ្ទិះដូង​ ស្លឹកគ្រៃ និងខ្ញី ជាមួយនឹងភាពសម្បូរបែបនៃត្រី ឬសាច់មាន់។